ஸ்ரீ அரவிந்த அன்னை
"அம்மா ! அம்மா ! " என்று - நாளும்
உன்னையே வேண்டினேன்.
"தஞ்சம் நீ " என்றே - உன்
மலரடியை நாடினேன் .
உயர்ந்த நிலை பலவும் - "இதோ"
எனக் கூறுகிறாய்
அதை பெற்றிட நினைத்தால் - நீயோபாரா முகம் காட்டுகிறாய்
பச்சை கிளி போலே - உயரே
பறந்திட நினைக்கின்றேன்
அன்னை நின் புகழை - நாளும்
பாடிட நினைக்கின்றேன்
இது மனதின் உயர் நிலையில் ....
பின்னோ...
தெரு குப்பையைக் கிண்டிடும் -சிறு
கோழியாய் திரிகிறேன்
அதில் கொட்டிக் கிடப்பவையே - எனக்கு
போதும் என எண்ணுகிறேன்
வேதாந்த்த சித்தாந்த தத்துவமெல்லாம் -என்
வாய் கிழிய பேசுகிறேன்
"உத்தமன் இவன் பார் ! " - என
ஊருக்கெல்லாம் காட்டுகிறேன்
வைர மூக்குத்தி மின்னிடும் - மூக்கினுள்
சேர்ந்த அழுக்குப் போல
பகல் வேஷமோ என் செயல் ?
தாயே சொல்லிடுவாய்
"வெளுப்பும் - அழுக்கும் "
வென்றிட அருளாயோ!
"நல்லது - கெட்டது"
விட்டு விலக்காயோ !
நின் அருள் காற்றிலே ஆடும்
சிறு துரும்பென ஆக்காயோ !
புலம்பலை அகற்றிவிடு !
புது வாழ்வு தந்துவிடு !
விசுவாச நாயைப் போலே
நின் மலரடியிலே இருத்திவிடு !
கருத்துகள் இல்லை:
கருத்துரையிடுக